Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով, Վեդի համայնքի ավագանու 2022 թվականի ապրիլի 28-ի N 15-Ա որոշմամբ հաստատված «Վեդի համայնքի ավագանու կանոնակարգի» 119-120-րդ, 122-123-րդ կետերով, Վեդի համայնքի ավագանու կողմից գումարված 2024 թվականի երկրորդ նստաշրջանի հերթական նիստերից և քվեարկություններից բացակայելու պատճառների վերաբերյալ Արսեն Կարապետյանը չի տեղեկացրել համայնքապետարանի աշխատակազմի քարտուղարին, ինչն արձանագրվել է նաև գումարված հերթական նիստերի վերաբերյալ կազմված ավագանու նիստերի արձանագրություններում, սակայն հիմք ընդունելով Վեդու համայնքապետարանի աշխատակազմի քարտուղարի 2025 թվականի հունվարի 9-ի N 48 գրությամբ ներկայացված ժամկետում Արսեն Կարապետյանի ներկայացուցիչ, փաստաբան Հ.Վարդանյանի կողմից 2025 թվականի հունվարի 20-ին ներկայացված գրությունը, ինչպես նաև ՀՀ հրապարակային ծանուցումների պաշտոնական ինտերնետային կայքում http://www.azdarar.am/ վարչական լսման վերաբերյալ հրապարակված ծանուցումը, Վեդի համայնքի ավագանին որոշում է՝

1. ՀՀ Արարատի մարզի Վեդի համայնքի ավագանու կողմից 2024 թվականին գումարած հերթական նստաշրջանի ընթացքում, 2024 թվականի սեպտեմբերի 11-ի, հոկտեմբերի 9-ի, նոյեմբերի 6-ի, նոյեմբերի 27-ի, դեկտեմբերի 25-ի ավագանու հերթական նիստերից ու քվեարկություններից Վեդի համայնքի ավագանու «Քաղաքացիական պայմանագիր» խմբակցության անդամ Արսեն Կարապետյանի բացակայությունները համարել հարգելի:

2. Սույն որոշումն ուժի մեջ է մտնում ընդունման պահից: