Սույն փաստաթղթի՝ «ՀՀ Արարատի մարզի Վեդի համայնքի տարեկան աշխատանքային պլան» (այսուհետ՝ ՏԱՊ), հիմքում ընկած է համայնքի 2022-2026թթ. զարգացման ծրագիրը: Հիմք ունենալով համայնքի հնգամյա զարգացման ծրագիրը՝ ՏԱՊ-ը ուղղված է հստակեցնելու տարեկան կտրվածքով համայնքի զարգացմանն ուղղված ծրագրերը և միջոցառումները, դրանց իրականացման համար ներդրվող ռեսուրսներն ու ժամկետները:

Որպես համայնքի տարեկան ծրագրային փաստաթուղթ, այն նպատակ ունի ներգրավել համայնքի ներքին և արտաքին ներդրողների հնարավորությունները համայնքային խնդիրներն առավել արդյունավետ լուծելու գործում: ՏԱՊ-ը համայնքում առկա ֆինանսական, վարչական, մարդկային և սոցիալական ռեսուրսները կամ կապիտալները կառավարելու գործիք է:

Վեդի համայնքի 2023թ.-ի ՏԱՊ-ը փաստաթուղթ է, ուր հստակորեն ներկայացվում են սոցիալական, տնտեսական, մարդկային, բնական և այլ ռեսուրսների ներդրման միջոցով համայնքի առանձին ոլորտների զարգացումը, ռազմավարությունները, ծրագրերը և միջոցառումները։ Վեդի համայնքի աշխարհագրական դիրքը, բնակչության, բնակլիմայական, պատմամշակութային ուրույն առանձնահատկությունները, առկա մասնագիտական, արտադրական ռեսուրսները հիմք են ստեղծում նպատակ սահմանել ապահովելու համայնքի բնականոն զարգացումը, այն դարձնել առավել բարեկեցիկ, անվտանգ և ապահով համայնքի բնակիչների և էլ ավելի գրավիչ զբոսաշրջիկների համար։ Կարևորվում է նպաստել առողջ և վստահելի ներդրումային, տնտեսական և բիզնես միջավայրի ձևավորմանը, փոխադարձ վստահության և արդյունավետ համագործակցության շնորհիվ բազմապատկել արդեն իսկ առկա տեղական և արտասահմանյան ներդրումների ծավալը, խրախուսել տեղական արտադրությունը, համագործակցությունը գործարար միջավայրի հետ։ Նպատակային է խթանել զբոսաշրջությունը, էլ ավելի աշխուժացում մտցնել այս ոլորտում, որը կնպաստի սպասարկող ենթակառուցվածքների և տեղական արտադրության զարգացմանը, ինչն ուղղակիորեն ենթադրում է նաև գյուղատնտեսության, մշակույթի, արվեստի, արհեստագործության և այլ ոլորտների առաջընթաց։