Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, հիմք ընդունելով քաղաքացի՝ Ահարոն Սամվելի Ավետիսյանի դիմումը և Վեդի համայնքի ղեկավարի առաջարկությունը, Վեդի համայնքի ավագանին որոշում է՝

1. Թույլատրել Վեդի համայնքի ղեկավարին՝ ՀՀ Արարատի մարզի Վեդի համայնքի Սիսավան բնակավայրի սեփականություն հանդիսացող 03-084-0010-0018 կադաստրային ծածկագիրը կրող երկհարկանի վարչական շենքի /մշակույթի տան/  առաջին հարկից՝ թիվ 13 և 14 սենյակները՝ 49.9 քմ ընդհանուր մակերեսով /համաձայն թիվ 2312947 սեփականության իրավունքի վկայականում արտացոլված տվյալների/ տարածքը անհատույց օգտագործման իրավունքով 5 տարի ժամկետով տրամադրել՝ կարատեի խմբակի գործունեություն իրականացնելու նպատակով:

2. Առաջարկել Վեդի համայնքի ղեկավարին օրենքով սահմանված կարգով՝ Ահարոն Սամվելի Ավետիսյանի հետ կնքել տարածքի անհատույց օգտագործման պայմանագիր և իրականացնել սույն որոշումից բխող համապատասխան գործառույթներ: