Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 28-րդ կետով, «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 3-րդ կետով և 36-րդ հոդվածով, «Պետական ոչ առևտրային կազմակերպությունների մասին» Հայաստանի Հանրապետության օրենքի 11-րդ հոդվածի 3-րդ մասով և 13-րդ հոդվածի 2-րդ մասի դ) կետով, հաշվի առնելով Վեդի համայնքի ղեկավարի առաջարկությունը, Վեդի համայնքի ավագանին որոշում է.

1. «Վեդի քաղաքի գեղարվեստի դպրոց» ՀՈԱԿ-ը վերանվանել «Վեդի համայնքի գեղարվեստի դպրոց» համայնքային ոչ առևտրային կազմակերպություն:

2. Հաստատել «Վեդի համայնքի գեղարվեստի դպրոց» համայնքային ոչ առևտրային կազմակերպության կանոնադրությունը՝ նոր խմբագրությամբ՝ համաձայն հավելվածի:

3. Ուժը կորցրած ճանաչել Վեդի քաղաքի ավագանու 2008 թվականի հունվարի 23-ի թիվ 1 որոշումը: