| Բովանդակություն * | Ս/թ-ի օգոստոսի 10-ին տեղի ունեցավ հանդիպում քննարկում ՀՀ ՆԳՆ ԱԻՆ մարզային փրկարարական վարչության աշխատակազմի և համայնքի կազմում ընդգրկված բնակավայրերի վարչական ղեկավարների միջև կապված՝ ՀՀ-ում ջերմաստիճանի կտրուկ բարձրացման պատճառով անտառներում և խոտածածկ տարածքներում հրդեհների առաջացման և տարածման վտանգի մեծացման վերաբերյալ, որի քննարկման արդյունքում համայնքի ղեկավարի կողմից վարչական ղեկավարներին տրվեցին համապատասխան հանձնարարականներ։
Այնուհետև, տեղի ունեցավ աշխատանքային խորհրդակցություն բնակավայրերի վարչական ղեկավարների հետ, որի ընթացքում քննարկվեցին 2023թ-ի 1-ին կիսամյակի ընթացքում եկամուտների հավաքագրման կատարողականը՝ ըստ բնակավայրերի։ Համայնքի ղեկավարը նշեց, որ անհրաժեշտ է լրացուցիչ միջոցներ ձեռնարկել եկամուտների հավաքագրման ցուցանիշները էլ ավելի բարելավելու ուղղությամբ և այդ ուղղությամբ տրվեցին համապատասխան հանձնարարականներ։
Համայնքի ղեկավարը կարևորեց նաև համայնքի կազմում ինքնակամ կառույցների հաշվառման, դրանց օրինականացման, այդ ուղղությամբ բնակիչների շրջանում համապատասխան իրազեկման և բացատրական աշխատանքներ կատարելու անհրաժեշտությունը։ Աշխատակազմի քարտուղար Հ․ Ստեփանյանը նշեց, որ արդեն իսկ վարչական ղեկավարներին տրվել է համապատասխան հանձնարարական՝ բնակավայրերում ինքնակամ շինությունների հաշվառման, դրանց օրինականացման վերաբերյալ, բացի այդ, հավելեց, որ կազմվել է համապատասխան գրաֆիկ՝ բնակավայրերում աշխատակազմի համապատասխան ստորաբաժանման աշխատակիցների կողմից շրջայցի և բացատրական աշխատանքներ կատարելու օրերի վերաբերյալ։
Այս կապակցությամբ ևս համայնքի ղեկավարի կողմից վարչական ղեկավարներին տրվեցին համապատասխան հանձնարարարականներ, բացի այդ, համայնքի ղեկավարը հանձնարարեց, որ վարչական ղեկավարները անմիջական մասնակցություն ունեն բնակավայրերում ինքնակամ կառույցների բացառման, դրանց հայտնաբերման, քանդման կամ օրինականացման աշխատանքներին։ Նշեց, որ այն վարչական ղեկավարները, ովքեր չեն ձեռնարկի սույն հանձնարարականի հետ կապված համապատասխան միջոցներ, կենթարկվեն կարգապահական պատասխանատվության, ընդհուպ՝ մինչև աշխատանքից ազատման։
|