Ղեկավարվելով Հայաստանի Հանրապետության «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, Հայաստանի Հանրապետության կառավարության 2006 թվականի մայիսի 18-ի՝ «Պետական կամ համայնքային հողամասերում գտնվող ինքնակամ կառույցների նկատմամբ պետության կամ համայնքների սեփականության իրավունքի պետական գրանցման կարգը հաստատելու մասին» թիվ 731-Ն որոշման դրույթներով, Հայաստանի Հանրապետության կառավարության 2006 թվականի մայիսի 18-ի՝ «Ինքնակամ կառույցների օրինականացման կարգը հաստատելու մասին» թիվ 912-Ն որոշման դրույթներով, Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշման 1-ին հավելվածի 24-րդ կետի 3-րդ ենթակետով, հաշվի առնելով, որ Վեդի համայնքի Վեդի քաղաքային բնակավայրի սեփականություն հանդիսացող, 03-004-0026-0043 կադաստրային ծածկագիրը կրող, 0․00720 հա բնակավայրերի հասարակական կառուցապատման նշանակության հողամասում ինքնակամ կառուցված 120 քմ առևտրի սրահը ընդգրկված չէ համայնքային նշանակության քաղաքաշինական համալիր ծրագրերի գոտում, որ կառույցի պահպանումը չի խախտում այլ անձանց իրավունքները, որ շինությունը կառուցված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում, կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք, հիմք ընդունելով քաղաքացի Վարազդատ Միսակի Կիրակոսյանի /ծնված՝ 06.02․1968թ./ դիմումը՝ որոշում եմ․

1. ՀՀ Արարատի մարզի Վեդի համայնքի Վեդի քաղաքային բնակավայրի սեփականություն հանդիսացող, 03-004-0026-0043 կադաստրային ծածկագիրը կրող, 0․00720 հա բնակավայրերի հասարակական կառուցապատման նշանակության հողամասում ինքնակամ կառուցված հասարակական նշանակության 120 քմ առևտրի սրահի նկատմամբ ճանաչել Վեդի համայնքի սեփականության իրավունքը:

2. Ինքնակամ կառուցված շինությունը ճանաչել օրինական՝ համաձայն սույն որոշմանը կից օրինական ճանաչված կառույցի և առանձնացված հողամասի հատակագծի /հաշվառման չափագրման տվյալների մուտքագրման տեղեկանք՝ 2023CVRS7H /:

3.Հայաստանի Հանրապետության Արարատի մարզի Վեդի համայնքի սեփականություն հանդիսացող, 03-004-0026-0043 կադաստրային ծածկագիրը կրող, բնակավայրերի նպատակային նշանակության, խառը կառուցապատման գործառնական նշանակության 0.00720 հա մակերեսով հողամասի գործառնական նշանակությունը բնակավայրերի խառը կառուցապատման հողերից փոփոխել և դասել բնակավայրերի հասարակական կառուցապատման հողերի:

4. ՀՀ Կառավարության 2006 թվականի մայիսի 18-ի թիվ 912-Ն որոշման սահմանված կարգի և արժեքների համաձայն օրինականացման գումար սահմանել՝ հողամաս՝ 72x1877,7=135194 ՀՀ դրամ, շինություն՝ 120x12798=1535760 ՀՀ դրամ։ Ընդհամենը՝ 1670954 ՀՀ դրամ։ Նշված անշարժ գույքը գնման նախապատվության իրավունքով, ուղղակի վաճառքի կարգով առաջարկել կառույցն իրականացնող անձին՝ Վարազդատ Միսակի Կիրակոսյանին ։

5. Վարազդատ Միսակի Կիրակոսյանի կողմից 15 աշխատանքային օրվա ընթացքում գնման նախապատվության առաջարկն ընդունելուց հետո՝ 30-օրյա ժամկետում օրինականացված կառույցի համար անհրաժեշտ է Վեդի համայնքի բյուջեի 900425005304 հաշվեհամարին վճարել 1535760 ՀՀ դրամ և դրա համար առանձնացված հողամասի վաճառքի գինը՝ 135194 ՀՀ դրամ ենթակա է վճարման Վեդի համայնքի բյուջեի 900425102143 հաշվեհամարին: Սահմանված կարգով և ժամկետում վաճառքի գինը չվճարելու դեպքում 5 աշխատանքային օրվա ընթացքում կրկին ներկայացնել առաջարկություն անշարժ գույքը վարձակալելու վերաբերյալ: Վարձակալության իրավունքից հրաժարվելու դեպքում այն տնօրինել 2006 թվականի մայիսի 18-ի թիվ 912-Ն որոշման 37-րդ կետով սահմանված կարգով:

6. Սույն որոշման կատարման հսկողությունը վերապահել համայնքի ղեկավարի տեղակալ Բագրատ Շահինյանին:

7. Սույն որոշումից ծագող իրավունքները ՀՀ օրենսդրությամբ սահմանված կարգով ենթակա են պետական գրանցման։

8․ Սույն որոշումն ուժի մեջ է մտնում ստորագրման պահից։