Համաձայն «Շրջակա միջավայրի վրա ազդեցության գնահատման և փորձաքննության մասին» ՀՕ-150-Ն օրենքի և Կառավարության 2023թվականի դեկտեմբերի 28-ի N 2343-Ն որոշման հավելվածի՝ 2025 թվականի փետրվարի 28-ին՝ ժամը 12։00-ին Արարատի մարզի Վեդու համայնքապետարանի նիստերի դահլիճում (ք.Վեդի, Թումանյան 6) տեղի ունեցավ «ԱՐՈՍԱ» ՍՊԸ-ի կողմից փորձաքննության ներկայացված ՀՀ Արարատի մարզի Վեդիի ավագ դպրոցի կառուցման աշխատանքների վերաբերյալ 2-րդ հանրային լսումը։
Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am), Վեդու համայնքապետարանի և նախաձեռնողի պաշտոնական կայքերում։
Տեղեկատվություն ստանալու և առաջարկություններ ներկայացնելու համար դիմել «Շրջակա միջավայրի վրա ազդեցության փորձաքննական կենտրոն» ՊՈԱԿ-ին (հասցե՝ ք․ Երևան, Բուզանդի 1/3, էլ.փոստ՝ expertise@env.am)։
Միաժամանակ հայտնում ենք, որ հանրային լսման արձանագրությունը, լուսանկարները կամ տեսաձայնագրությունը, առկայության դեպքում՝ նաև շահագրգիռ հանրության կարծիքները, դիտողությունները և առաջարկությունները օրենսդրությամբ սահմանված կարգով՝ կտեղադրվեն լիազոր մարմնի պաշտոնական կայքում։