Ս/թ-ի մարտի 25-ին համայնքի ղեկավարի 1-ին տեղակալի մոտ տեղի ունեցավ Վեդի համայնքում 2025 թվականին մասնակցային բյուջետավորման գործընթացի կառավարման հանձնաժողովի նիստ, որը վարում էր համայնքի ղեկավարի 1-ին տեղակալ Ռաֆայել Հակոբյանը:
Պրն. Հակոբյանը բացման խոսքում նշեց, որ Վեդի համայնքի ավագանու 2024 թվականի նոյեմբերի 27-ի N 153-Ա որոշմամբ համայնքում մեկնարկել է 2025 թվականի համար մեկնարկած մասնակցային բյուջետավորման գործընթացի կազմակերպման կարգի և ծրագրի իրականացման հետ կապված հարցերի քննարկումը:
Ներկայացրեց մասնակցային բյուջետավորման հիմնական նպատակն ու սկզբունքները, ինչպես նաև գործընթացի իրականացման փուլերը:
Նշեց նաև, որ համաձայն ժամանակացույցի ավարտվել է նախապատրաստական փուլը և մեկնարկել է իրազեկման փուլը, որի շրջանակներում անհրաժեշտ է կազմակերպել հանդիպումներ համայնքի բնակիչների հետ վարչական բնակավայրերում, և ապահովել բնակիչների ակտիվ մասնակցությունը գործընթացի իրականացմանը:
Հանձնաժողովի նախագահի տեղակալ Անդրանիկ Ավետիսյանը ներկայացրեց ծրագրի իրականացման իրազեկման փուլում կատարվելիք աշխատանքների բնույթը, հակիրճ ներկայացնելով մյուս փուլերում կատարման ենթակա աշխատանքները:
Քննարկումների արդյունքում հանձնաժողովը որոշեց.
Մասնակցային բյուջետավորման գործընթացի նախապատրաստական փուլի ամփոփումը գնահատել դրական:
Սկսել իրազեկման գործընթաց հաստատված ժամանակացույցին համապատասխան:
Վեդի համայնքի պաշտոնական կայքում և վարչական տարածքներում տեղադրել գործընթացի մեկնարկի մասին հայտարարությունը:
Կազմակերպել հանդիպումներ Վեդի քաղաքային բնակավայրում և գյուղական բնակավայրերում: |