Ղեկավարվելով  «Իրավունք հաստատող փաստաթղթերը չպահպանված անհատական բնակելի տների կարգավիճակի մասին»  Հայաստանի Հանրապետության օրենքի 1-ին և 2-րդ հոդվածներով, Հայաստանի Հանրապետության կառավարության 2008 թվականի նոյեմբերի 13-ի թիվ 1328-Ն որոշման պահանջներով, հիմք ընդունելով Վեդի համայնքի Այգավան բնակավայրի կադաստրային քարտեզի, տեղագրական հանույթի ճշգրտումից և չափագրման որակավորում ունեցող անձի կողմից տրված հողամասի հատակագծի տվյալները, այն, որ Այգավան բնակավայրի՝ 03-008-0018-0002 կադաստրային ծածկագիրը կրող բնակավայրերի բնակելի կառուցապատման նշանակության հողամասի փաստացի մակերեսը կազմում է 0.30733 հա, որը փաստացի տիրապետվում է քաղաքացիներ՝ Արևիկ Ավետիսի Խաչատրյանի, Հրայր Ավետիսի Խաչատրյանի և Հարություն Ավետիսի Խաչատրյանի կողմից, հիմք ընդունելով այն, որ Վեդու համայնքապետարանի աշխատակազմի Քաղաքաշինության և հողաշինության բաժնի կողմից տրված եզրակացության համաձայն նշված հողամասում առկա շենքեր շինությունները, որոնք կառուցվել են մինչև 2001 թվականի մայիսի 15-ը, սակայն դրանց նկատմամբ չեն պահպանվել սահմանված կարգով տրամադրված քաղաքաշինական գործունեություն իրականացնելու փաստաթղթերը, նշված հողամասը ընդգրկված չէ Հայաստանի Հանրապետության Հողային օրենսգրքի 60-րդ հոդվածով սահմանված հողամասերի ցանկում, այդ թվում ինժիներատրանսպորտային օբյեկտների օտարման գոտիներում, չի հակասում քաղաքաշինական նորմերին, չի առաջացնում սերվիտուտ պահանջելու իրավունք և հաշվի առնելով քաղաքացի Արևիկ Ավետիսի Խաչատրյանի /ծնված՝ 23.02.1959թ./  դիմումը՝ որոշում եմ․

1. Վեդի համայնքի Այգավան բնակավայրի Ժ. Սաղաթելյան փողոց 16 հասցեում գտնվող, 03-008-0018-0002 ծածկագիրը կրող սահմանազատված 0․30733 հա հողամասից 0.2600 հա մակերեսով հողամասը համաձայն՝ ՀՀ Կառավարության 2008 թվականի նոյեմբերի 13-ի թիվ 1328-Ն որոշման պահանջների անհատույց ճանաչել քաղաքացիներ՝ Արևիկ Ավետիսի Խաչատրյանի /ծնված՝ 23.02.1959թ./, Հրայր Ավետիսի Խաչատրյանի /ծնված՝ 26.07.1971թ./ և Հարություն Ավետիսի Խաչատրյանի /ծնված՝ 02.01.1965թ./ ընդհանուր բաժնային սեփականության իրավունքը:

2. Վեդի համայնքի Այգավան բնակավայրի Ժ. Սաղաթելյան փողոց 16 հասցեում գտնվող, 03-008-0018-0002 կադաստրային ծածկագիրը կրող, 0.2600 հա հողամասից ավել օգտագործվող` 0.03 հա չկառուցապատված հողամասի նկատմամբ օրենքի ուժով անհատույց ճանաչել քաղաքացիներ՝ Արևիկ Ավետիսի Խաչատրյանի, Հրայր Ավետիսի Խաչատրյանի և Հարություն Ավետիսի Խաչատրյանի  ընդհանուր բաժնային սեփականության իրավունքը, իսկ 0․01733 հա մակերեսով հողամասը օրենքի ուժով տվյալ պահին գործող կադաստրային արժեքի 100%-ի չափով, որը կազմում է՝ 137254 ՀՀ դրամով օտարել քաղաքացիներ՝ Արևիկ Ավետիսի Խաչատրյանին, Հրայր Ավետիսի Խաչատրյանին և Հարություն Ավետիսի Խաչատրյանին։ Նշված գումարը ենթակա է վճարման Վեդի համայնքի բյուջեի 900 425 102 143 հաշվեհամարին:

3․ Վեդի համայնքի Այգավան բնակավայրի Ժ. Սաղաթելյան փողոց 16 հասցեում  գտնվող, 03-008-0018-0002 ծածկագիրը կրող, հողամասում առկա մինչև 2001 թվականի մայիսի 15-ը կառուցված՝ բնակելի տան, ավտոտնակի, օժանդակ շինությունների, կաթսայատան, ջրավազանի, անասնաշենքի, թոնրատան և պարիսպի նկատմամբ վերականգնել քաղաքացիներ՝ Արևիկ Ավետիսի Խաչատրյանի , Հրայր Ավետիսի Խաչատրյանի և Հարություն Ավետիսի Խաչատրյանի գույքային իրավունքները` ընդհանուր բաժնային սեփականության իրավունքով:

4. Հողամասի սահմանները որոշվում են չափագրման որակավորում ունեցող անձի կողմից տրված հողամասի սահմանների իրադրության հատակագծով:

5. Քաղաքացիներ՝ Արևիկ Ավետիսի Խաչատրյանի, Հրայր Ավետիսի Խաչատրյանի և Հարություն Ավետիսի Խաչատրյանի կողմից 0․01733 հա հողամասի օտարման արժեքը վճարելուց հետո սահմանված կարգով կնքել անշարժ գույքի օտարման պայմանագիր:

6․ Սույն որոշումից ծագող իրավունքները ՀՀ օրենսդրությամբ սահմանված կարգով ենթակա են պետական գրանցման։

7. Սույն որոշուն ուժի մեջ է մտնում ստորագրման պահից։