Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 3-Ի մասի 3-րդ կետով, 34-րդ հոդվածի 1-ին մասով, հիմք ընդունելով Վեդի համայնքի ավագանու «Քաղաքացիական պայմանագիր», «Իմ հզոր համայնք» խմբակցության ղեկավարների և Վեդի համայնքի ղեկավարի առաջարկությունները, Վեդի համայնքի ավագանին որոշում է՝ 1. Հայաստանի Հանրապետության Արարատի մարզի Վեդի համայնքի ավագանու 2022 թվականի հունիսի 29-ի՝ «Հայաստանի Հանրապետության Արարատի մարզի Վեդի համայնքի կամավոր խնդիրները սահմանելու և դրանց լուծմանն ուղղված սեփական լիազորությունների իրականացման կարգը հաստատելու մասին» N 62 որոշման մեջ կատերել հետևյալ փոփոխությունները.
1.1. Որոշմամբ հաստատված Հավելված 2-ի 4-րդ կետը շարադրել նոր խմբագրությամբ՝
4. ա) Արցախյան (Լեռնային Ղարաբաղի) և Հայաստանի Հանրապետության պաշտպանության, մարտական գործողությունների կամ հակառակորդի հետ շփման գծում մարտական հերթապահության կամ հատուկ առաջադրանքներ կատարելու կամ հակառակորդի նախահարձակ գործողությունների հետևանքով զոհված, վիրավորված և ստացած վնասվածքներից հաջորդող տարիների ընթացքում մահացածների ընտանիքների անդամներ՝ 100 000 ՀՀ դրամ,
բ) Արցախյան (Լեռնային Ղարաբաղի) և Հայաստանի Հանրապետության պատերազմների 1-ին, 2-րդ և 3-րդ խմբի զինհաշմանդամներ՝ 100 000 ՀՀ դրամ,
գ) Հայաստանի Հանրապետության պաշտպանության, մարտական գործողությունների կամ հակառակորդի հետ շփման գծում մարտական հերթապահության կամ հատուկ առաջադրանքներ կատարելու կամ հակառակորդի նախահարձակ գործողությունների հետևանքով գերեվարված, անհայտ բացակայող կամ մահացած ճանաչված (կամ նրանց ընտանիքի անդամներին) անձինք՝ 100 000 ՀՀ դրամ:
2. Սույն որոշումն ուժի մեջ է մտնում հրապարակմանը հաջորդող օրվանից: |