Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով, հաշվի առնելով Վեդի համայնքի ղեկավարի առաջարկությունը, Վեդի համայնքի ավագանին որոշում է.

1. Վեդի համայնքի ավագանու 2022 թվականի հուլիսի 29-ի «Վեդու քաղաքային մանկապատանեկան մարզադպրոց» համայնքային ոչ առևտրային կազմակերպությունը վերանվանելու, կանոնադրությունը նոր խմբագրությամբ հաստատելու մասին» N 99-Ա որոշման մեջ կատարել հետևյալ փոփոխությունները և լրացումները՝

1) որոշման վերնագիրը շարադրել հետևյալ խմբագրությամբ.

«Մարտին Վարդանյանի անվան «Վեդու քաղաքային մանկապատանեկան մարզադպրոց» համայնքային ոչ առևտրային կազմակերպությունը վերանվանելու, կանոնադրությունը նոր խմբագրությամբ հաստատելու մասին».

2) որոշման 1-ին կետը շարադրել հետևյալ խմբագրությամբ.

«Մարտին Վարդանյանի անվան «Վեդու քաղաքային մանկապատանեկան մարզադպրոց» համայնքային ոչ առևտրային կազմակերպությունը վերանվանել «Մարտին Վարդանյանի անվան Վեդի համայնքի մանկապատանեկան մարզադպրոց» համայնքային ոչ առևտրային կազմակերպություն».

3) որոշման 2-րդ կետը շարադրել հետևյալ խմբագրությամբ.

«Հաստատել «Մարտին Վարդանյանի անվան Վեդի համայնքի մանկապատանեկան մարզադպրոց» համայնքային ոչ առևտրային կազմակերպության կանոնադրությունը՝ նոր խմբագրությամբ՝ համաձայն հավելվածի»:

2. Սույն որոշումն ուժի մեջ է մտնում ստորագրման պահից: