Հայաստանի Հանրապետության Վեդի համայնքի ղեկավար Գ.Սարգսյանս, քննության առնելով Կամո Լյուդվիգի Հարոյանի նկատմամբ հարուցված Արարատի մարզի Փոքր Վեդի բնակավայրում գտնվող գյուղատնտեսական նպատակային նշանակության այլ հողատեսք գործառնական նշանակության վարելահող /կադաստրային ծածկագիր 03-096-0257-0001/ հողամասը ոչ նպատակային նշանակությամբ օգտագործելու և վարչական պատասխանատվության ենթարկելու մասին նյութերը, պարզեցի.

1.Նկարագրական մաս.

Կամո Լյուդվիգի Հարոյանը /Արարատի մարզ, Փոքր Վեդի բնակավայր, Անդրանիկի փողոց, տուն 4/, վարձակալության իրավունքով իրեն պատկանող Արարատի մարզի Վեդի համայնքի Փոքր Վեդի բնակավայրում գտնվող գյուղատնտեսական նպատակային նշանակության այլ հողատեսք գործառնական նշանակության վարելահող /կադաստրային ծածկագիր 03-096-0257-0001/ հողամասը, խախտելով «Վարչական իրավախախտումների վերաբերյալ» Հայաստանի Հանրապետության օրենսգրքի 54-րդ հոդվածի 1-ին մասով սահմանված պահանջը, օգտագործել է ոչ նպատակային նշանակությամբ /կառուցվել են բացօթյա տաղավարներ/, որի համար օրենքով սահմանված կարգով նախատեսված է տուգանքի նշանակում՝ քաղաքացիների նկատմամբ՝ սահմանված նվազագույն աշխատավարձի հարյուրապատիկի չափով, ինչի կապակցությամբ Վեդու համայնքապետարանի աշխատակազմի գյուղատնտեսության և բնապահպանության բաժնի պետի զեկուցագրի հիման վրա 13.08.2024 թվականին «Վարչարարության հիմունքների և Վարչական վարույթի մասին» ՀՀ օրենքի 3-րդ հոդվածով, 30-րդ հոդվածի 1-ին մասի «բ» պարբերությամբ, 34-րդ հոդվածի հիմքերով, «Վարչական իրավախախտումների վերաբերյալ» Հայաստանի Հանրապետության օրենսգրքի 54-րդ հոդվածի պահանջների խախտման փաստով հարուցվել է վարչական վարույթ:

Վեդու համայնքապետարանում վարչական խախտման դեպքով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքների իրականացված հանձնաժողովը (այսուհետ՝ Հանձնաժողով) հրավիրել և անցկացրել է լսում, որի ժամանակի և վայրի մասին պատշաճ ծանուցվել է Կամո Լյուդվիգի Հարոյանը, վերջինս չի ներկայացել վարչական լսմանը, ուստի Օրենսգրքի 267-րդ հոդվածի 1-ին մասի համաձայն գործը քննվել է վերջինիս բացակայությամբ:

2. Վարչական ակտն ընդունելու համար հիմք հանդիսացող փաստերը.

1. Վեդու համայնքապետարանի աշխատակազմի գյուղատնտեսության և բնապահպանության բաժնի աշխատակցի կողմից Արարատի մարզի Վեդի համայնքի Փոքր Վեդի բնակավայրում գտնվող գյուղատնտեսական նպատակային նշանակության այլ հողատեսք գործառնական նշանակության վարելահողը /կադաստրային ծածկագիր 03-096-0257-0001/ հողամասը ոչ նպատակային նշանակությամբ օգտագործելու կապակցությամբ 13.08.2024 թվականին կազմված թիվ 9 արձանագրությունը և բաժնի պետի զեկուցագիրը:

2. Տարածքի լուսանկարները:

3. 17.09.2019 թվականի հողամասի վարձակալության պայմանագիր:

4. 24.09.2019 թվականի հողամասի սեփականության իրավունքի վկայական թիվ 24092019-03-0030:

4. Հանձնաժողովի 13.09.2024 թվականի վարչական գործով լսումներ անցկացնելու մասին արձանագրությունը:

3. Պատճառաբանական մաս.

«Վարչարարության հիմունքների և վարչական վարույթի մասին» ՀՀ օրենքի սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները և հիմք ընդունելով վերոհիշյալ փաստերը, վարչական մարմինը հաստատված է համարում հետևյալը. Արարատի մարզի Վեդի համայնքի Փոքր Վեդի բնակավայրում գտնվող գյուղատնտեսական նպատակային նշանակության այլ հողատեսք գործառնական նշանակության վարելահող /կադաստրային ծածկագիր 03-096-0257-0001/ հողամասը օգտագործվել է ոչ նպատակային նշանակությամբ /կառուցվել է բացօթյա տաղավարներ/:

Նշված փաստական հանգամանքները հաշվի առնելով 2024 թվականի օգոստոսի 13-ին Վեդու համայնքապետարանում հարուցված վարչական վարույթի շրջանակներում 2024 թվականի սեպտեմբերի 13-ին հրավիրվել է վարչական լսում, որին մասնակցելու նպատակով ծանուցումն ուղարկվել է Կամո Լյուդվիգի Հարոյանին, վերջինս պատշաճ կարգով ծանուցված է եղել, սակայն չի ներկայացել վարչական լսմանը:

4.Վարչական ակտ ընդունելու հիմնավորումը.

Համաձայն «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 26-րդ կետով՝ համայնքի ղեկավարը, օրենքով նախատեսված դեպքերում և կարգով անձանց ենթարկում է վարչական պատասխանատվության: Համաձայն «Տեղական ինքնակառավարման մասին» ՀՀ օրենքի 43-րդ հոդվածի 1-ին մասի 4-րդ կետի՝ համայնքի ղեկավարը, որպես սեփական լիազորություն, օրենքով սահմանված կարգով վերահսկողություն է իրականացնում համայնքի վարչական սահմաններում գտնվող հողերի նպատակային օգտագործման, հողօգտագործողների կողմից հողային օրենսդրության պահանջների պահպանման նկատմամբ:

Տվյալ պարագայում Կամո Լյուդվիգի Հարոյանն վարձակալության իրավունքով իրեն պատկանող Արարատի մարզի, Վեդի համայնքի, Փոքր Վեդի բնակավայրում գտնվող գյուղատնտեսական նպատակային նշանակության այլ հողատեսք գործառնական նշանակության վարելահող /կադաստրային ծածկագիր 03-096-0257-0001/ հողամասը շարունակում է օգտագործել ոչ նպատակային նշանակությամբ /կառուցել է բացօթյա տաղավարներ/:

«Վարչական իրավախախտումների վերաբերյալ» Հայաստանի Հանրապետության օրենսգրքի 54-րդ հոդվածի համաձայն՝ հողամասերը ոչ նպատակային նշանակությամբ օգտագործելը՝ առաջացնում է տուգանքի նշանակում քաղաքացիների նկատմամբ՝ սահմանված նվազագույն աշխատավարձի հարյուրապատիկի չափով:

5. Եզրափակիչ մաս.

Ելնելով վերոգրյալից և ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 26-րդ կետով, 43-րդ հոդվածի 1-ին մասի 4-րդ կետով, «Հողերի օգտագործման և պահպանման նկատմամբ վերահսկողության մասին» ՀՀ օրենքով, «Վարչական իրավախախտումների վերաբերյալ» Հայաստանի Հանրապետության օրենսգրքի 54-րդ հոդվածով և «Վարչարարության հիմունքների և վարչական վարույթի մասին» ՀՀ օրենքի 53-րդ, 58-60-րդ հոդվածներով՝ որոշում եմ

1. Կամո Լյուդվիգի Հարոյանի նկատմամբ նշանակել տուգանք՝ 100.000 /մեկ հարյուր հազար/ ՀՀ դրամի չափով, Վեդի համայնքի, Փոքր Վեդի բնակավայրում գտնվող գյուղատնտեսական նպատակային նշանակության այլ հողատեսք գործառնական նշանակության վարելահող /կադաստրային ծածկագիր 03-096-0257-0001/ հողամասը ոչ նպատակային նշանակությամբ օգտագործելու համար:

2. Սույն որոշումը կարող է բողոքարկվել վերադասության կարգով կամ վարչական դատարան` «Վարչարարության հիմունքների և վարչական վարույթի մասին» ՀՀ օրենքի 70-րդ և ՀՀ վարչական դատավարության օրենսգրքի 73-րդ հոդվածներով նախատեսված կարգով՝ դրա ուժի մեջ մտնելու օրվանից երկամսյա ժամկետում։

3. Սույն որոշումն ուժի մեջ է մտնում կողմերին իրազեկելուն հաջորդող օրվանից կամ սույն որոշմամբ ուղղակիորեն շոշափվող անձանց վերաբերյալ տեղեկությունները հայտնի չլինելու դեպքում հրապարակման պահից, azdarar.am կայքի և /կամ համայնքապետարանի տեղեկագրում հրատարակելու միջոցով: