Ղեկավարվելով «Տեղական ինքնակառավարման մասին» Հայաստանի Հանրապետության օրենքի 42-րդ հոդվածի 1-ին մասի 6-րդ կետով, Հայաստանի Հանրապետության կառավարության 2015 թվականի մարտի 19-ի թիվ 596-Ն որոշման պահանջներով և հիմք ընդունելով Հայաստանի Հանրապետության տարածքային կառավարման և ենթակառուցվածքների նախարարության կողմից մուտքագրված դիմումը՝ որոշում եմ․

1. ՀՀ Արարատի մարզի, Վեդի համայնքի, Վեդի քաղաքային բնակավայրի Հ-10, /Հ-8/ (Ոսկետափ) - Վեդի - Լանջառ - /Մ-2/ հանրապետական նշանակության ավտոճանապարհի կմ5+450 - կմ9+250 հատվածի հիմնանորոգման /ասֆալտապատման/ նպատակով տրամադրել շինարարության թույլտվություն:

2. Շինարարության թույլտվությունը տրամադրել 2 /երկու/ տարի ժամկետով:

3. Հայաստանի Հանրապետության կառավարության 2015թ-ի մարտի 15-ի 596-Ն որոշման պահանջների համաձայն՝ կառուցապատողը շինարարական աշխատանքները սկսելուց առնվազն երեք օր առաջ պարտավոր է ներկայացնել ձև 2-5 տեղեկանք:

4. Սույն որոշումն ուժի մեջ է մտնում որոշման հրապարակմանը հաջորդող օրվանից: