Ղեկավարվելով «Տեղական ինքնակառավարման մասին» Հայաստանի Հանրապետության օրենքի 42-րդ հոդվածի 1-ին մասի 6-րդ կետով, Հայաստանի Հանրապետության կառավարության 2015 թվականի մարտի 19-ի թիվ 596-Ն որոշման պահանջներով և հիմք ընդունելով քաղաքացի Հովիկ Գառնիկի Ղուկասյանի դիմումը՝ որոշում եմ.

1. ՀՀ Արարատի մարզի Վեդի համայնքի Այգավան բնակավայրի Մաշտոցի փողոց 1 հասցեում գտնվող, 03-008-0010-0015 կադաստրային ծածկագիրը կրող, Հովիկ Գառնիկի Ղուկասյանին սեփականության իրավունքով պատկանող, բնակավայրերի նպատակային նշանակության, բնակելի կառուցապատման գործառնական նշանակության հողամասում նկուղային մասով մեկ հարկանի բնակելի տուն և պարիսպ կառուցելու նպատակով տրամադրել շինարարության թույլտվություն՝ 2 /երկու/ տարի ժամկետով:

2. Հայաստանի Հանրապետության կառավարության 2015 թվականի մարտի 19-ի թիվ 596-Ն որոշման պահանջների համաձայն կառուցապատողը շինարարական աշխատանքները սկսելուց առնվազն երեք օր առաջ պարտավոր է ներկայացնել ձև 2-5 տեղեկանք:

3. Որոշումն ուժի մեջ է մտնում որոշման ընդունման մասին Հովիկ Ղուկասյանին պատշաճ իրազեկելու օրվան հաջորդող օրվանից: