Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով, Վեդի համայնքի ավագանու 2022 թվականի ապրիլի 28-ի N 15-Ա որոշմամբ հաստատված «Վեդի համայնքի ավագանու կանոնակարգի» 119-120-րդ, 122-123-րդ կետերով, Վեդի համայնքի ավագանու կողմից գումարված 2024 թվականի երկրորդ նստաշրջանի հերթական նիստերից և քվեարկություններից բացակայելու պատճառների վերաբերյալ Գոհար Մարգարյանը տեղեկացրել է համայնքապետարանի աշխատակազմի քարտուղարին միայն 2024 թվականի հոկտեմբերի 9-ին և նոյեմբերի 27-ին գումարված նիստից բացակայելու մասին, ինչն արձանագրվել է գումարված հերթական նիստերի վերաբերյալ կազմված ավագանու նիստերի արձանագրություններում, հաշվի առնելով Վեդու համայնքապետարանի աշխատակազմի քարտուղարի 2025 թվականի հունվարի 9-ի N 51 գրության հիման վրա Գոհար Մարգարյանի կողմից 2025 թվականի հունվարի 15-ին ներկայացված դիմումը և 2025 թվականի փետրվարի 12-ին գումարված ավագանու հերթական նիստի ընթացքում Գոհար Մարգարյանի կողմից տրված պարզաբանումները, Վեդի համայնքի ավագանին որոշում է՝ 1. ՀՀ Արարատի մարզի Վեդի համայնքի ավագանու կողմից 2024 թվականին գումարած հերթական նստաշրջանի ընթացքում, 2024 թվականի նոյեմբերի 27-ի ավագանու հերթական նիստից ու քվեարկությունից Վեդի համայնքի ավագանու «Իմ հզոր համայնք» խմբակցության անդամ Գոհար Մարգարյանի բացակայությունները համարել հարգելի:
2. Սույն որոշումն ուժի մեջ է մտնում ընդունման պահից: |