Ղեկավարվելով Հայաստանի Հանրապետության «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, Հայաստանի Հանրապետության կառավարության 2006 թվականի մայիսի 18-ի՝ «Պետական կամ համայնքային հողամասերում գտնվող ինքնակամ կառույցների նկատմամբ պետության կամ համայնքների սեփականության իրավունքի պետական գրանցման կարգը հաստատելու մասին» թիվ 731-Ն որոշման, Հայաստանի Հանրապետության կառավարության 2006 թվականի մայիսի 18-ի՝ «Ինքնակամ կառույցների օրինականացման կարգը հաստատելու մասին» թիվ 912-Ն որոշման և Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշման 1-ին հավելվածի 24-րդ կետի 3-րդ ենթակետի դրույթներով, այն որ Վեդի համայնքի, Վեդի քաղաքային բնակավայրում գտնվող, համայնքային սեփականություն հանդիսացող, 03-004-0075-0001-ից կադաստրային ծածկագիրը կրող, 0․00221 հա բնակավայրերի խառը կառուցապատման հողամասում ինքնակամ կառուցված 22.1 քմ մակերեսով ավտոտնակը ընդգրկված չէ համայնքային նշանակության քաղաքաշինական համալիր ծրագրերի գոտում, որ կառույցի պահպանումը չի խախտում այլ անձանց իրավունքները, որ շինությունը կառուցված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում, կառուցված չէ քաղաքաշինական նորմերի և կանոնների էական խախտումներով, չի առաջացնում հարկադիր սերվիտուտ պահանջելու իրավունքն և հաշվի առնելով քաղաքացի Սմբատ Յուրիկի Սիմոնյանի /ծնված՝ 26.11.1975թ./ դիմումը՝ որոշում եմ․

1. Հայաստանի Հանրապետության Արարատի մարզի Վեդի համայնքի Վեդի քաղաքային բնակավայրում գտնվող, համայնքային սեփականություն հանդիսացող, 03-004-0075-0001-ից կադաստրային ծածկագիրը կրող, 0․00221 հա բնակավայրերի խառը կառուցապատման հողամասում ինքնակամ կառուցված 22.1 քմ մակերեսով ավտոտնակի նկատմամբ ճանաչել Վեդի համայնքի սեփականության իրավունքը:

2. Ինքնակամ կառուցված շինությունը ճանաչել օրինական՝ համաձայն սույն որոշմանը կից օրինական ճանաչված կառույցի և առանձնացված հողամասի հատակագծի /հաշվառման չափագրման տվյալների մուտքագրման տեղեկանք՝ 2023WNKXUW/։

3. ՀՀ Արարատի մարզի Վեդի համայնքի սեփականություն հանդիսացող, 03-004-0075-0001-ից կադաստրային ծածկագիրը կրող, բնակավայրերի նպատակային նշանակության, խառը կառուցապատման գործառնական նշանակության 0.00221 հա մակերեսով հողամասի գործառնական նշանակությունը բնակավայրերի խառը կառուցապատման հողերից փոփոխել և դասել բնակավայրերի բնակելի կառուցապատման հողերի:

4. ՀՀ Կառավարության 2006 թվականի մայիսի 18-ի թիվ 912-Ն որոշման սահմանված կարգի և արժեքների համաձայն օրինականացման գումար սահմանել՝ հողամաս՝ 22.1x1877.7=41497 ՀՀ դրամ, շինություն՝ /ավտոտնակ/ 22.1x1422=31426 ՀՀ դրամ։ Ընդամենը՝ 72923 ՀՀ դրամ: Նշված անշարժ գույքը գնման նախապատվության իրավունքով, ուղղակի վաճառքի կարգով առաջարկել կառույցն իրականացնող անձին՝ Սմբատ Յուրիկի Սիմոնյանին։

5. Սմբատ Յուրիկի Սիմոնյանի կողմից 15 աշխատանքային օրվա ընթացքում գնման նախապատվության առաջարկն ընդունելուց հետո 30-օրյա ժամկետում օրինականացված կառույցի վաճառքի գինը՝ 31426 ՀՀ դրամը ենթակա է վճարման Վեդի համայնքի բյուջեի 900425005304 հաշվեհամարին, իսկ առանձնացված հողամասի վաճառքի գինը՝ 41497 ՀՀ դրամը ենթակա է վճարման Վեդի համայնքի բյուջեի 900425102143 հաշվեհամարին: Սահմանված կարգով և ժամկետում վաճառքի գինը չվճարելու դեպքում 5 աշխատանքային օրվա ընթացքում կրկին ներկայացնել առաջարկություն անշարժ գույքը վարձակալելու վերաբերյալ: Վարձակալության իրավունքից հրաժարվելու դեպքում այն տնօրինել 2006 թվականի մայիսի 18-ի թիվ 912-Ն որոշման 37-րդ կետով սահմանված կարգով:

6. Սույն որոշման կատարման հսկողությունը վերապահել համայնքի ղեկավարի տեղակալ Բագրատ Շահինյանին:

7. Սույն որոշումից ծագող իրավունքները Հայաստանի Հանրապետության օրենսդրությամբ սահմանված կարգով ենթակա են պետական գրանցման։

8․ Սույն որոշումն ուժի մեջ է մտնում որոշման ընդունման մասին Սմբատ Յուրիկի Սիմոնյանին պատշաճ իրազեկելու օրվան հաջորդող օրվանից։