Ղեկավարվելով «Տեղական ինքնակառավարման մասին» Հայաստանի Հանրապետության օրենքի 43-րդ հոդվածով, Հայաստանի Հանրապետության Կառավարության 2010 թվականի հոկտեմբերի 28-ի՝ «Արոտավայրերից և խոտհարքներից օգտվելու կարգը սահմանելու մասին» թիվ 1477-Ն որոշման պահանջներով, հիմք ընդունելով Վեդի համայնքի ավագանու 2023 թվականի դեկտեմբերի 22-ի N 189-Ա որոշումը և հաշվի առնելով   Գրիգոր  Սուրենի  Մանասարյանի դիմումը՝ որոշում եմ.

1. ՀՀ Արարատի մարզի Վեդի համայնքի  Ուրցաձոր բնակավայրի վարչական տարածքում գտնվող, պետական սեփականություն հանդիսացող, 03-095-0349-0083  կադաստրային ծածկագիրը կրող, գյուղատնտեսական նպատակային նշանակության 0.10941հա արոտավայրը վարձակալության իրավունքով տրամադրել  Գրիգոր Սուրենի Մանասարյանին՝  վարձակալության պայմանագրի կնքման օրվանից՝ 3 տարի ժամկետով:

2. Սահմանված կարգով քաղաքացի  Գրիգոր Սուրենի Մանասարյանի  հետ կնքել 03-095-0349-0083  կադաստրային ծածկագիրը կրող 0.10941հա հողամասի վարձակալության պայմանագիր: 

3. 03-095-0349-0083 կադաստրային ծածկագիրը կրող 0.10941հա արոտավայրի տարեկան վարձավճար սահմանել 50000 /հիսուն հազար/ ՀՀ դրամ:

4. Արոտավայրի վարձակալության պայմանագրի անբաժանելի մաս է համարվում սույն որոշումը կից հողամասի հատակագիծը:

5. Սույն որոշումն ուժի մեջ է մտնում ստորագրման պահից։