Համաձայն Հայաստանի Հանրապետության <<Քաղաքացիական օրենսգրքի>> 188-րդ հոդվածի 2-րդ կետի, Հայաստանի Հանրապետության կառավարության 29.12.2005թ. թիվ 2387-Ն որոշման 5-րդ բաժնի 29-րդ հոդվածի, Հայաստանի Հանրապետության կառավարության 18.05.2006թ. <<Պետական կամ համայնքային հողամասերում գտնվող ինքնակամ կառույցների նկատմամբ պետության կամ համայնքների սեփականության իրավունքի պետական գրանցման կարգը հաստատելու մասին>> 731-Ն որոշման և Հայաստանի Հանրապետության կառավարության 18.05.2006թ. <<Ինքնակամ կառույցների օրինականացման կարգը հաստատելու մասին>> 912-Ն որոշման դրույթներով, հաշվի առնելով, որ համայնքային սեփականություն հանդիսացող հողամասում ինքնակամ կառուցված 25.2 քմ արտաքին մակերեսով /կիսակառույց/ ավտոտնակը ընդգրկված չէ համայնքային նշանակության քաղաքաշինական համալիր ծրագրերի գոտում, կառույցի պահպանումը չի խախտում այլ անձանց իրավունքները, կառուցված չէ Հայաստանի Հանրապետության <<Հողային օրենսգրքի>> 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում, կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք որոշում եմ.

1. Վեդի համայնքի սեփականություն հանդիսացող բնակավայրերի խառը կառուցապատման հողամասում 25.2 քմ մակերեսով ինքնակամ կառուցված /կիսակառույց/ ավտոտնակի նկատմամբ ճանաչել Վեդի համայնքի սեփականության իրավունքը:

2. Ինքնակամ կառուցված /կիսակառույց/  ավտոտնակը ճանաչել օրինական` համաձայն սույն որոշմանը կից օրինական ճանաչված կառույցի և առանձնացված հողամասի հատակագծի:

3. Օրինական ճանաչված 25.2քմ մակերեսով /կիսակառույց/ ավտոտնակին և զբաղեցրած 0,00252 հա հողամասին տրամադրել ք.Վեդի, Կասյան  փողոց թիվ 26/7-1  հասցեն: 

4. ՀՀ կառավարության 18.05.2006թ. թիվ 912-Ն որոշման 4-րդ կետի, 35-րդ կետի դ ենթակետով սահմանված կարգի և արժեքների համաձայն օրինականացման գումար սահմանել` հողամասի համար 25,2 x 1242 = 31298.4 ՀՀ դրամ, շինության  համար  25,2 x1300 = 32760ՀՀ դրամ, ընդամենը 64058.4 ՀՀ դրամ: Նշված անշարժ գույքը գնման նախապատվության իրավունքով, ուղղակի վաճառքի կարգով առաջարկել կառույցն իրականացնող անձին՝ Գևորգ Սանասարի Խաչատրյանին:

5. Քաղ. Գևորգ Սանասարի Խաչատրյանի կողմից 15 աշխատանքային օրվա ընթացքում գնման նախապատվության առաջարկն ընդունելուց հետո 30 օրյա ժամկետում օրինականացված կառույցի և դրա համար առանձնացված հողամասի վաճառքի գինը ենթակա է մուծման Վեդի համայնքի բյուջեի 900 425 102 143 հաշվեհամարին: Սահմանված կարգով և ժամկետում վաճառքի գինը չվճարելու դեպքում 5 աշխատանքային օրվա ընթացքում կրկին ներկայացնել առաջարկություն անշարժ գույքը վարձակալելու վերաբերյալ: Վարձակալության իրավունքից ևս հրաժարվելու դեպքում այն տնօրինել 18.05.2006թ, թիվ 912-Ն որոշման 37-րդ կետով սահմանված կարգով:

6. Գնման նախապատվության առաջարկն ընդունելուց և վաճառքի գինը վճարելուց հետո 18.05.2006թ, թիվ 912-Ն որոշման 1-ին բաժնի 4-րդ կետի պահանջների համաձայն, ավտոտնակ կառուցելու նպատակով, նախագծային փաստաթղթերի մշակման համար տրամադրել ճարտարապետահատակագծման առաջադրանք: