Համաձայն Հայաստանի Հանրապետության Քաղաքացիական օրենսգրքի 188-րդ հոդվածի պահանջների, Հայաստանի Հանրապետության կառավարության 2006 թվականի մայիսի 18-ի՝ «Ինքնակամ կառույցների օրինականացման կարգը հաստատելու մասին» 912-Ն որոշման պահանջների և Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշման հավելված 1-ի 24-րդ կետի 3-րդ ենթակետով նախատեսված դրույթների և հաշվի առնելով այն հանգամանքը, որ Վեդի համայնքի Փոքր Վեդի բնակավայրի Հ. Շիրազի փողոց 20 հասցեում գտնվող, 03-96-0025-0006 կադաստրային ծածկագիրը կրող բնակելի կառուցապատման հողամասում ինքնակամ կառուցված շինությունները կառուցված չեն Հայաստանի Հանրապետության Հողային օրենսգրքի 60-րդ հոդվածով սահմանված հողամասերի ցանկում, ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի ու կանոնների էական խախտումներով, որ կառույցի պահպանելը չի խախտում այլ անձանց իրավունքները, չի առաջացնում հարկադիր սերվիտուտ պահանջելու իրավունք և հաշվի առնելով համասեփականատեր Վիգեն Գառնիկի Ստեփանյանի /ծնված՝ 27.09.1957թ./ դիմումը՝ որոշում եմ.

1. Փոքր Վեդի բնակավայրի Հ. Շիրազի փողոց 20 հասցեում գտնվող, 03-96-0025-0006 կադաստրային ծածկագիրը կրող բնակելի կառուցապատման հողամասում ինքնակամ կառուցված բնակելի տան՝ 198.17քմ, հավաբնի՝ 61.31քմ, անասնագոմի՝ 141.41քմ, պարսպի՝ 6․59քմ  նկատմամբ ճանաչել քաղաքացի Վիգեն Գառնիկի Ստեփանյանի համատեղ սեփականության իրավունքը:

2. Ինքնակամ կառուցված շինությունները ճանաչել օրինական` համաձայն սույն որոշմանը կից կառույցի և առանձնացված հողամասի հատակագծի /հաշվառման չափագրման տվյալների մուտքագրման տեղեկանք՝ 2023DCXQEM/:

3. ՀՀ Կառավարության 2006 թվականի մայիսի 18-ի թիվ 912-Ն որոշմամբ սահմանված կարգի և արժեքների համաձայն ինքնակամ կառույցի օրինականացման գումարը սահմանել՝ բնակելի տան համար 198.17x1209=239588 ՀՀ դրամ, օժանդակ շինություններ՝ 209.31x725.4=151833 ՀՀ դրամ: Ընդամենը՝ 391421 ՀՀ դրամ:

4. Քաղաքացի Վիգեն Գառնիկի Ստեփանյանի  կողմից սույն որոշման 3-րդ կետով նշված ինքնակամ կառույցների օրինականացման համար նախատեսված վճարման ենթակա գումարը Վեդի համայնքի բյուջեի 900 425 102 143 հաշվեհամարին սույն որոշման ուժի մեջ մտնելու օրվանից 60-օրյա ժամկետում չվճարելու դեպքում որոշումը համարվում է ուժը կորցրած:

5. Սույն որոշման կատարման հսկողությունը վերապահել համայնքի ղեկավարի տեղակալ Բագրատ Շահինյանին:

6. Սույն որոշումից ծագող իրավունքները ՀՀ օրենսդրությամբ սահմանված կարգով ենթակա են պետական գրանցման։

7․Սույն որոշումն ուժի մեջ է մտնում ստորագրման պահից։