Կատարված ուսումնասիրությունից պարզվել է, որ համայնքի կադաստրային քարտեզում 03-004-0022-0026 ծածկագիրը կրող բնակելի կառուցապատման հողամասում առկա շինությունը կառուցվել է մինչև 2001թ.-ի մայիսի 15-ը, սակայն դրա նկատմամբ չի պահպանվել սահմանված կարգով տրամադրված քաղաքաշինական գործունեություն իրականացնելու փաստաթղթերը, նշված շինությունը չի գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի վրա, այդ թվում ինժիներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն առաջացնում սերվիտուտ պահանջելու իրավունք: Օրինական հողամասին կից առկա ավել օգտագործվող 0.030 հա հողամասը չկառուցապատված է և ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի ցանկում:
Ղեկավարվելով «Համայնքներում իրավունք հաստատող փաստաթղթերը չպահպանված անհատական բնակելի տների կարգավիճակի մասին» Հայաստանի Հանրապետության օրենքի 1-ին և 2-րդ հոդվածների, Հայաստանի Հանրապետության հողային օրենսգրքի 64-րդ հոդվածի և Հայաստանի Հանրապետության կառավարության 29.12.2005թ. թիվ 2387-Ն և 18.05.2006թ. <Ինքնակամ կառույցների օրինականացման կարգը հաստատելու մասին> 912-Ն որոշումների դրույթներով. որոշում եմ`
1. Վեդու քաղաքային համայնքում գտնվող, համայնքի կադաստրային քարտեզում 03-004-0022-0026 ծածկագիրը կրող, բնակելի կառուցապատման 0.20 հա մակերեսով օրինական հողամասում առկա շենք-շինությունների նկատմամբ վերականգնել քաղաքացի` Վահան Վաղոյի Մելոյանի /ծնված 14.08.1970թ./ գույքային իրավունքները`սեփականության իրավունքով:
2. Վեդի քաղաքային համայնքի Արամ Եղյան փողոց 1-ին նրբանցք թիվ 2 հասցեում գտնվող, 0.20 հա օրինական հողամասին կից ավել օգտագործվող 0.03 հա հողամասը օրենքի ուժով ճանաչել քաղաքացի` Վահան Վաղոյի Մելոյանի /ծնված 14.08.1970թ./ սեփականության իրավունքով:
3. Հողամասի սահմանները որոշվում են չափագրման որակավորում ունեցող անձի կողմից տրված հողամասի սահմանների իրադրության հատակագծով:
4. Անշարժ գույքի միավորին` 03-004-0022-0026 ծածկագիրը կրող 0.23 հա մակերեսով հողամասին և դրա վրա գտնվող շինությանը, որպես անշարժ գույքի մեկ միավոր թողնել ք.Վեդի, Արամ Եղյան փողոց 1-ին նրբանցք թիվ 2 հասցեն: